Avós e avoas contacontos
O día 26 de xullo celébrase de maneira non oficial o Día dos Avós.
A tradición cristiá celebra o día de San Xoaquín e Santa Ana, pais da Virxe María e polo tanto avós de Xesús.
Para destacar a importancia do papel dos avós e avoas na familia, na Biblioteca contamos coa axuda de catro persoas do Programa municipal de atención ás persoas maiores, que virán ofrecernos unha actividade de contacontos e cantacontos interxeracionais.
A sesión terá lugar o luns 26 de xullo de 11:30 a 12:30 da mañá na sala infantil da biblioteca. Ademáis poderedes atopar unha grande selección de contos nos que se tratan as relacións entre os avós e os netos e netas.
Estades todos convidados a participar nesta actividade tan enriquecedora!
Engadir comentario