Unha árbore ven vernos

Fecha: 
Sábado, 23 de Marzo de 2019
Lugar: 
Biblioteca Pública Municipal de Narón

Contacontos para celebrar o Día da árbore

O 21 de marzo é unha data moi sinalada no calendario. Ademáis de celebrarse o Día mundial da síndrome de down, o Día mundial da poesía e a entrada da primavera (este ano non, que chega cun día de adianto), conmemórase en boa parte do mundo o Día da árbore ou Festa da árbore.

Este ano queremos celebrar esta data tamén na biblioteca polo que organizamos unha actividade de que leva por título Unha árbore ven vernos. O seu autor, o contacontos Anxo Moure, describe así este espectáculo:

"Chegan á biblioteca teixos,  freixos, bidueiras, aciñeiras e buxos para contar as súas historias. Con elas aprenderemos a abrazar as árbores, a coidar os bosques, as fragas e os soutos. Hoxe plantamos unha árbore que conte contos".

A actividade vaise desenvolver o sábado 23 de marzo ás 11 h na sala multiusos da planta sótano.

Esta actividade está orientada a nenos e nenas a partir de 3 anos e as súas familias. Os nenos e nenas de 3 anos deberán quedar acompañados/as dunha persoa adulta, a partir de 4 anos é opcional (aínda que recomendable) que quededes.

Para participar:

  • Os nenos e nenas teñen que ter o carné da rede de bibliotecas sen sancións pendentes.
  • É imprescindible reservar praza a partir do luns 18 de marzo ás 16:00 h. Podedes facelo no mostrador da sala de adultos/as ou chamando ao 981382173 en horario de apertura.